Kutfutfukisa Emakhono Etfu Emsebentini Wekushumayela​—Kulungiselela Emavi Esetfulo

Kubaluleke Ngani?: Nangabe setfulo setfu singamenti loyo lesicoca naye kutsi abe nenkhaphunkhaphu yekulalela, angase asivimbe sisengakacali nekushumayela. Ngako, bamemeteli labanyenti banemuva wekutsi emavi abo esetfulo ayincenye lebaluleke kakhulu ekushumayeleni kwabo. Nanoma Umsebenti Wetfu WeMbuso kanye nencwadzi letsi “Ukubonisana” tinetinshumayelo letisibonelo, leto tinshumayelo atihlali tinemavi esetfulo laphelele, loko lokwentelwa kutsi ukhone kuwashintja shintja kuye ngetimo. Ngisho noma inshumayelo lesibonelo ibhalwe yaphelela, bamemeteli bangase bakhetse kuyishintja noma batakhele yabo. Nasenta njalo, sitawukhona kutsintsa tinhlitiyo talabo lesicoca nabo nangabe siwalungiselela kahle emavi esetfulo kunekumane sisho loko lokufika engcondvweni ngesikhatsi umnikati welikhaya avula umnyango.​—Taga 15:28.