Tinshumayelo Letisibonelo Lesingatisebentisa

Singatitfolaphi Timphendvulo Temibuto Lesikhatsatako Ekuphileni?

“Sawubona. Sisemkhankasweni wemhlaba wonkhe wekusakata nangu umlayeto lobalulekile. Nayi ikhophi yakho.” Niketa loyo lococa naye lelipheshana kute abone sihloko salo.

Nangabe lelipheshana ulishiya ekhaya lelite bantfu, libeke endzaweni lesitsekile futsi ungaligoci ngalokungakadzingeki.

Nangabe lococa naye akhombisa inshisekelo nome anesifiso sekutsi nicoce kabanti, ungase ucele kuva umbono wakhe kulombuto lodzinga kutsi akhetse imphendvulo yinye kuleti letisekhasini lekucala kulelipheshana. Livule bese nifundza Tihlabelelo 119:144, 160. Mchazele kutsi lelipheshana linekwatiswa lokumayelana ne-Web site lengamsita kutsi atfole timphendvulo letenetisako eBhayibhelini. Nangabe anesikhatsi, mhlawumbe ungamkhombisa lokutsite ngekumdlalela i-video letsi: Kungani Kufanele Utadishe LiBhayibheli? Usengakahambi, mkhombise imibuto lemitsatfu lesekugcineni kwalelipheshana bese umbuta kutsi ngumuphi kuyo lomkhatsata kakhulu. Hlela kubuya kute umkhombise indlela yekutfola imphendvulo yeliBhayibheli ngekusebentisa i-jw.org. Nawubuya, cocani ngalemphendvulo ngekuchafata “BIBLE TEACHINGS” > “BIBLE QUESTIONS ANSWERED.”

Nanihambisa timemo temhlangano wesifundza, niketa loyo coca naye simemo kanye nelipheshana bese utsi: “Sicela kukuniketa nalesimemo semhlangano wawonkhe wonkhe lokungenwa mahhala kuwo.”

Sicongosekulindza July-August

Nakufaneleka, ngetimphelasontfo shano loku nawuhambisa Sicongosekulindza: “Sitsandza nekukuniketa bomagazini bamuva. Le-Sicongosekulindza sikhuluma ngembono waNkulunkulu mayelana nekubhema.”

Phaphama! August

Nangabe kufaneleka, ngetimphelasontfo nawuhambisa i-“Phaphama!” shano loku: “Sicela kukuniketa bomagazini betfu bamuva. Le-“Phaphama!” iphendvula umbuto lotsi, bantfu bangakwenta kanjani kuthula?”