Tinshumayelo Letisibonelo Lesingatisebentisa

Kucalisa Tifundvo TeliBhayibheli NgeMgcibelo Wekucala KuSeptember

“Wena ucabanga kutsi tonkhe tinkholo tiyamdvumisa yini Nkulunkulu? [Lindzela imphendvulo.] Khombisa umnikati welikhaya umbuto wekucala losekhasini lelingemuva kulomagazini Sicongosekulindza waSeptember-October bese nicoca ngendzaba lengephansi kwembuto wekucala futsi nifundze lokunani munye umbhalo kulekhonjiwe. Mnike labomagazini bese uhlela kuphindze ubuye nitewucoca ngembuto lolandzelako.”

Sicongosekulindza September-October

“Bantfu labanyenti emhlabeni wonkhe bacabanga kutsi Nkulunkulu akanendzaba nabo, wena ucabangani? [Lindzela imphendvulo, bese ufundza Imisebenti 17:27.] LomBhalo ukhombisa kutsi Nkulunkulu unendzaba natsi sonkhe. Nawufundza lomagazini emakhasini 3 na-4 utawutfola indlela Nkulunkulu lativa ngayo ngebantfu.”

Phaphama! September

“Bantfu labanyenti batsi bacashi babo babasebentisa kakhulu futsi abayiboni indlela yekukubalekela loko. Tati titsi kusebenta kakhulu kungenta umtimba ukhatsale kakhulu, lokuyintfo lengabangela kuphazamiseka kwemtimba nobe kwemiva. Ucabanga kutsi yini lengasita umuntfu kutsi ente tintfo ngelizinga lelifanele ekuphileni? [Lindzela imphendvulo.] Nali livesi leliBhayibheli lelenta sicabangisise ngalendzaba. [Fundza Umshumayeli 4:6.] Lomagazini uchaza tindlela letine letisebentako letingasisita kutsi sihlele tintfo letita kucala ekuphileni kwetfu futsi sikhone kubhekana nekucindzeteleka kwasemsebentini.”