Sibonelo Setinshumayelo Lesingatisebentisa

Kucalisa Tifundvo TeliBhayibheli NgeMgcibelo Wekucala Ku-September

“Kwandza kwetinkinga emhlabeni wonkhe kubangela kutsi bantfu labanyenti bakhatsateke ngelikusasa. Uyati yini kutsi liBhayibheli liyakhuluma ngelikusasa? [Lindzela imphendvulo.] Naka naku lokushiwo lapha.” Niketa lococa naye Sicongosekulindza sa-July-September. Cocani ngekwatiswa lokungephansi kwembuto wesibili ekhasini 17 nifundze nalokungenani umbhalo munye. Mhambisele lomagazini bese uhlela kubuyela kuye.

Sicongosekulindza July-September

“Uyati yini kutsi liBhayibheli lineseluleko lesingasisita kutsi siyiphatse kahle imali? [Lindzela imphendvulo.] Naka nasi simiso lesitfolakala ku-Lukha 14:28. [Fundza] Lomagazini usikhombisa indlela lesingasisebentisa ngayo lesimiso kanye naletinye kute siphile ngaloko lesinako.”

Phaphama! September

“Bantfu labanyenti batsi kuphila lamhlabeni kutawuphela ngalelinye lilanga, mhlawumbe kucedvwe yimiphi ye-nuclear nobe sehlakalo semvelo njengekushayisana kwemaplanethi nobe kushintjashintja kwesimo selitulu. Ucabanga kutsi lemibono iliciniso yini nome iyinganekwane? [Lindzela imphendvulo.] LiBhayibheli lisiniketa nasi setsembiso lesisidvudvutako. [Fundza Tihlabelelo 37:29.] Lomagazini uveta tigameko letetfusako letenteka esikhatsini setfu nalokushiwo liBhayibheli ngaloko likusasa lelisiphatsele kona.”