Kutfutfukisa Emakhono Etfu Emsebentini Wekushumayela​—Kubeka Sisekelo Sekuphindze Ubuyele

Kubaluleke Ngani?: Nasitfola umuntfu lokhombisa inshisekelo, sifuna kuphindze sibuyele kuye nakakhona ekhaya kute sinisele inhlanyelo yeliciniso lesiyihlanyele. (1 Khor. 3:6) Etikhatsini letinyenti, loko kudzinga kutsi sisengakahambi, sibeke sisekelo sekubuya kuye ngekumbuta kutsi singabuya nini. Ngetulu kwaloko, kuhle nekutsi sishiye umbuto lesitawucoca ngawo nasibuya. Loko kutawenta kutsi umnikati welikhaya akulindzele kubuya kwetfu, futsi nangabe lombuto uphendvulwa encwadzini lesimshiyele yona, kutawuba melula kutsi ayifundze. Kubeka sisekelo sekubuyela kumuntfu kwenta kube melula kutsi sibuyele kuye ngobe sisuke sesikukhetsile loko lesitawucoca ngako, kantsi nemnikati welikhaya usuke akwati loko lakulindzele. Nasesibuyile, singamchazela kutsi sibuyele kutophendvula lombuto lesawushiya nasifika kuye kwekucala, bese siyachubeka.