Kutfutfukisa Emakhono Etfu Emsebentini Wekushumayela​—Kwakha Sisekelo Sekubuyela Kulesicoce Nabo

KUBALULEKE NGANI?:

Sifuna kunisela inhlanyelo yeliciniso lesisuke siyihlanyele. (1Ko 3:6) Nasitfola umuntfu lonesifiso sekufundza, kuhle kumshiya nembuto lesitawucoca ngawo nasibuya. Loko kutakwenta lomuntfu alangatelele kutsi siphindze sibuye futsi kutasisita natsi nasisalungiselela kubuyela kuye. Nasesibuya singatsi sitophendvula lombuto lesawushiya.

INDLELA YEKUKWENTA:

• Nawulungiselela inshumayelo lotayisebentisa emtini ngemuti, lungiselela nembuto lotawuphendvula nawubuyela kulococe naye. Kungaba kuhle nangabe lombuto ungaphendvulwa ngulencwadzi lotamniketa yona. Nobe kube ngumbuto lotawuphendvulwa ngulenye yetincwadzi tetfu lesifundzisa ngato lohlele kuyisebentisa nawubuyela kuye.

• Ekugcineni kwengcoco yenu, tjela umuntfu lokhombise sifiso sekufundza kutsi ungatsandza kuphindze ubuye. Mbute umbuto lenitawucoca ngawo nawubuya. Tsatsa imininingwane yakhe nakungenteka.

• Nangabe umtjele kutsi utawubuya ngesikhatsi lesitsite, yetsembeka kulokushito.​—Mat 5:37.