Lithuluzi Lelisha Lekucwaninga

Tigidzi tebamemeteli kuwo wonkhe umhlaba tiyisebentise kahle incwadzi letsi “Watch Tower Publications Index” kuze ticwaninge. Kodvwa-ke ngesizatfu sekutsi lencwadzi inemininingwane leminyenti, itfolakala ngetilwimi letimbalwa kuphela. Ngaleso sizatfu, kwentiwe bhukwana lonesihloko lesitsi Lithulusi Lekucwaninga LaBoFakazi BaJehova, lotfolakala ngetilwimi letingu-170. Tincwadzi letifakwe kuletikhombo tale-Lithulusi Lekucwaninga nguleto letakhishwa kusukela ngemnyaka wa-2000 kuchubeke. Lelithulusi alikashicilelwa ngetilwimi letine-Index, kodvwa lifakwe ku-Watchtower Library kanye nase-MTATJENI WETINCWADZI We-Watchtower ku-INTERNET. Le-Lithulusi Lekucwaninga litakusita kutsi utfole timphendvulo temibuto yeliBhayibheli, utfole kwatiswa lokumayelana netintfo letikukhatsatako, liphindze likusite nawulungiselela imihlangano yelibandla kanye nekukhonta kwemndeni.