Khutsatanani Ngenshisekelo Emisebentini Lemihle

Umbhalo wemaHebheru 10:24 usikhutsata kutsi ‘sinakane kuze sikhutsatane elutsandvweni nasemisebentini lemihle.’ Singabakhutsata bazalwane betfu ngesibonelo kanye nangemavi lakhombisa kukholwa. Bacocele labanye ebandleni ngalokuhlangenwe nako kwakho lokuhle. Bente babone injabulo lonayo ekukhonteni Jehova. Ngesikhatsi lesifanako, ungabacatsanisi nawe nobe nalabanye. (Gal. 6:4) Lwela kusebentisa emakhono akho kuze ukhutsate labanye “elutsandvweni nasemisebentini lemihle,” hhayi kutsi badliwe ngunembeza bese benta imisebenti lemihle. (Fundza incwadzi letsi Zuza Emfundvweni YeSikolwa Semsebenti WemaKhristu, likh. 158, sig. 4.) Nasikhutsatana elutsandvweni, imisebenti lenjengekwentela labanye lokuhle nobe kushumayela itawubese iyalandzela.​—2 Khor. 1:24.