Kutfutfukisa Emakhono Etfu Emsebentini Wekushumayela—Kucalisa Sifundvo SeliBhayibheli Ume Emnyango Usebentisa Incwajana Letsi Tindzaba Letimnandzi Letivela KuNkulunkulu
Kubaluleke Ngani?: Kute sente bantfu babe bafundzi kumelwe sibe bafundzisi beliVi laNkulunkulu. (Mat. 28:19, 20) Sonkhe singaba bafundzisi labancono beliciniso ngekusebentisa emathulusi lesiniketwe wona. Lencwajana letsi Tindzaba Letimnandzi Letivela KuNkulunkulu ibhalwe ngendlela yekutsi isisite sifundzise bantfu liciniso. Ecinisweni, singayisebentisa ekucaliseni sifundvo seliBhayibheli nemnikati welikhaya sime emnyango sifika kwekucala nje kulelokhaya.
Yetama Loku Kulenyanga:
Thantazela kuba nesifiso sekuchuba sifundvo seliBhayibheli. Phindze uncenge Jehova kutsi akusite ucalise sifundvo seliBhayibheli futsi akusite ube ngumfundzisi lophumelelako weliciniso.—Fil. 2:13.
Ngesikhatsi sekukhonta kwemndeni nobe ngesifundvo lotichubela sona, tinike sikhatsi sekufundza lenshumayelo. Utawukhona kukhuluma ngekuciniseka futsi ucalise sifundvo seliBhayibheli ume emnyango nawusensimini.