Kudzingeka Silungiselele Kute Sibe Nelikhono Lekufundzisa
Jesu wabutwa umbuto lomayelana nekuphila phakadze tikhatsi letimbili, kodvwa njalo nakaphendvula abecabanga ngetidzingo temuntfu lombutile. (Luk. 10:25-28; 18:18-20) Ngako-ke, ngisho noma sikwati kahle loko lesitawufundzisa ngako, kufanele silungiselele sibe sicabanga ngemfundzi. Ngumaphi emaphuzu lokungaba lukhuni kutsi awacondze nobe awemukele? Ngumiphi imibhalo lekhonjiwe lekufanele siyifundze naye? Kufanele sifundze sigcine kuphi? Kungase kudzingeke silungiselele umfanekiso, inchazelo, nobe imibuto kute sisite umfundzi akuve kahle loko lesikufundzako. Ngetulu kwaloko, nasisalungiselela lesifundvo kufanele sicele sibusiso kuJehova, sicelele lesifundza naye kanye nemetamo yetfu yekumsita kutsi akhe buhlobo naJehova ngoba lowenta inhlanyelo yeliciniso ikhule enhlitiyweni yemuntfu nguye Jehova.—1 Khor. 3:6; Jak. 1:5.