Umkhankhaso Wesimemo Semhlangano

Njalo ngemnyaka silangatelela kufundziswa emihlanganweni yesifundza. Kute nalabanye babone buhle baJehova, sitawubamema kutsi babe khona kulomhlangano kanye natsi. (Hla 34:8) Tigungu talabadzala titawuncuma kutsi timemo titawuhanjiswa njani ngendlela lephumelelako.

LOKUFANELE UKUKHUMBULE

• Unini umhlangano wesifundza lengiya kuwo?

• Utawucala nini umkhankhaso wekuhambisa timemo?

• Iba khona nini imihlangano lechutjwa ngaphambi kwekuya ensimini?

• Iyini imigomo yami kulomkhankhaso?

• Ngitawumema bobani?

UTAWUTSINI?

Nase ubingelele, ungase utsi:

“Sisemkhankhasweni lowentiwa emhlabeni wonkhe wekuniketa bantfu nasi simemo semkhosi lobaluleke kakhulu. Lilanga lotawuba ngalo, sikhatsi kanye nendzawo kubhaliwe kulesimemo. Singajabula kutsi nawe ubekhona.”

BUYELA KULOBANIKETE TIMEMO

Nanobe sifisa kumema bantfu labanyenti kakhulu kutsi babe khona emhlanganweni wesifundza, kufanele sibuyele kulabo lesibanikete timemo kute sichubeke sicoca nabo.

Ngetimphelasontfo, simemo ungasihambisa kanye namagazini.