Ngitawumema Bani?

Njalo ngemnyaka senta imetamo yekumema bantfu kutsi bete eSikhumbutweni. Labanyenti babo, asibati. Kufanele siphindze simeme nalabo lesibatiko. Bantfu labatfole simemo kumuntfu labamjwayele bavamile kutsi bete eSikhumbutweni. (yb08-ZU 11 ¶3; 14 ¶1) Bobani longabamema kutsi bete eSikhumbutweni?

• Tihlobo

• Losebenta nabo nobe lofundza nabo esikolweni

• Bomakhelwane

• Labo loke wacoca nabo ngeliBhayibheli, lowake wafundza nabo kanye nalofundza nabo liBhayibheli

Ngetulu kwaloko, labadzala batawumema lesebapholile. Utowenta njani nangabe bantfu lobetayele bangahlali endzaweni lohlala kuyo? Ungatfola sikhatsi kanye nendzawo lapho kutawubanjelwa khona Sikhumbuto endzaweni yangakubo ngekutsi uchafate lakutsi khona MAYELANA NATSI ku-jw.org, ubese uchafate lakutsi khona “Sikhumbuto Sekufa KwaJesu.” Njengobe ulungiselela Sikhumbuto salonyaka, cabanga ngalabo lofise kubamema, bese uyabamema.