Sikhombisa Lutsandvo Nangabe Sisekela Siyalo SaJehova

Kuyekeliswa kuba nguFakazi kuvikela libandla futsi kusita soni lesingaphendvuki. (1Kt 5:6, 11) Sikhombisa lutsandvo nangabe sisekela lendlela yaJehova yesiyalo. Sisho ngani kutsi kuliciniso kutsi kuyekeliswa kwemuntfu kubanga lusizi kubo bonkhe bantfu labatsintsekako, kuhlanganise tihlobo takhe letisedvute kanye nekomidi yekwehlulela?

Ngetulu kwako konkhe, sisuke sikhombisa kutsi sinendzaba nelidvumela laJehova futsi siyatitsandza timiso takhe letingcwele. (1Ph 1:14-16) Sisuke sikhombisa nekutsi siyamtsandza lomuntfu loyekeliswe kuba nguFakazi. Ngisho nobe sibuhlungu siyalo lesishubile, kodvwa siletsa “umvuzo wekuthula, lokuyimphilo lelungile.” (Heb 12:5, 6, 11) Nangabe sitihlanganisa nemuntfu loyekelisiwe kuba nguFakazi nobe umuntfu lotehlukanise nelibandla lebuKhristu, sisuke siphatamisa indlela siyalo saJehova lokufanele sisebente ngayo. Khumbula, Jehova ujezisa bantfu bakhe “ngendlela lefanele.” (Jer 30:11) Siyetsemba kutsi lomuntfu utawubuyela kuBabe wetfu lonelutsandvo. Ngesikhatsi lesifanako, siyachubeka sisekela indlela Jehova laniketa ngayo siyalo futsi sihlale sinebuhlobo lobucinile naJehova.—Isa 1:16-18; 55:7.

BUKELA I-VIDEO LETSI KUGCINA BUCOTFO NGENHLITIYO LEPHELELE, BESE NIPHENDVULA LEMIBUTO LELANDZELAKO:

• 

  Bungakanani buhlungu lobuviwa batali ngenca yemntfwana loshiye Jehova?

• 

  Libandla lingawasekela njani emalunga emndeni letsembekile?

• 

  Nguyiphi indzaba leseBhayibhelini leveta kutsi kuba cotfo kuJehova kubalulekile kwendlula kuba cotfo emndenini?

• 

  Sikhombisa njani kutsi sicotfo kuJehova kwendlula kuba cotfo emndenini?