Kukhombisa Luvelo

Luvelo likhono lekucondza imicabango, imiva kanye netidzingo talabanye. Labanye bantfu bayabona nangabe sibavela, futsi loko kusisita kutsi sibavele nangabe sifuna mbamba kubasita. Nangabe sikhombisa luvelo emsebentini wekushumayela, sisuke siveta indlela Jehova labatsandza ngayo bantfu futsi loko kwenta kutsi basondzele kuye.—Flp 2:4.

Kukhombisa luvelo akusiyo nje indlela lesiyisebentisako kute sifundzise; sikhombisa luvelo ngekutsi sibalalelisise ngesineke bantfu, siphindze silukhombise ngendlela lesikhuluma ngayo, lesicabanga ngayo kanye nendlela lesishukumisa ngayo umtimba. Sikhombisa luvelo ngekutsi sibe nendzaba nalabanye. Siyatinaka tintfo latitsandzako, tinkholelo kanye netimo takhe. Simnika lusito kanye nelwati langalusebentisa kodvwa asimphoceleli kutsi ashintje. Sijabula kakhulu nangabe bantfu lesibashumayelako balwemukela lusito lwetfu.

BUKELA I-VIDEO LETSI TFOLA INJABULO EKWENTENI BAFUNDZI—TFUTFUKISA EMAKHONO AKHO—KUKHOMBISA LUVELO, BESE NIPHENDVULA LEMIBUTO LELANDZELAKO:

• 

  Neeta ulukhombise njani luvelo ngesikhatsi Jade ephuta kufika?

• 

  Neeta ukhombise njani kutsi uneluvelo ngesikhatsi Jade atsi ucindzeteleke kakhulu kutsi bangafundza?

• 

  Neeta ukhombise njani kutsi uneluvelo ngesikhatsi Jade atsi akakahleleki?