TIMISELE EMSEBENTINI WEKUSHUMAYELA | YANDZISA INJABULO YAKHO EMSEBENTINI WEKUSHUMAYELA
Kufinyelela Inhlitiyo
Kulalela Nkulunkulu kusuka enhlitiyweni. (Tag 3:1) Ngako nasifundzisa kufanele sitimisele kute sitsintse tinhlitiyo talabo labasilalele. Kanjani?
Ungamani nje ufundzise umfundzi wakho emaciniso laseBhayibhelini, kodvwa msite abone kutsi loko lakufundzako kuhlobana njani nekuphila kwakhe kanye nebuhlobo bakhe naJehova. Msite abone kutsi timiso teliBhayibheli tiluveta njani lutsandvo lwaNkulunkulu, buhle kanye nekulunga kwakhe. Ngekuhlakanipha mbute imibuto letamsita ahlole indlela lativa ngayo ngaloko lakufundzako. Msite abone kutsi imphilo yakhe itawuba ncono nangabe ashintja simo sakhe sengcondvo nobe nakayekela imikhuba lemibi. Injabulo yakho itawandza nangabe ubona umfundzi wakho akhombisa indlela lamtsandza ngayo Jehova.
BUKELA I-VIDEO LETSI TFOLA INJABULO EKWENTENI BAFUNDZI—TFUTFUKISA EMAKHONO AKHO—KUFINYELELA INHLITIYO, BESE NIPHENDVULA LEMIBUTO LELANDZELAKO:
Kungani Neeta abute Jade watsi: “Ukhonile kucabanga ngaloko lesacoca ngako ngeMsombuluko?”
Neeta umsite njani Jade wabona kutsi timiso teliBhayibheli tihlobana njani nendlela Jehova lamtsandza ngayo?
Nangabe sifundzisa ngendlela letsintsa inhlitiyo, umfundzi utawuchubeka asondzela kakhulu kuJehova
Neeta umsite njani Jade kute akhombise indlela lamtsandza ngayo Nkulunkulu?