Yemukela Lusito Loluvela KuJehova Ngekuthantaza

NguJehova lowenta inhlanyelo yeliciniso ihlume futsi ikhule enhlitiyweni yemuntfu. (1Kt 3:6-9) Ngako-ke, kuze siphumelele emsebentini wekushumayela, kufanele setsembele kuJehova kute asite tsine kanye nalabo lesifundza nabo liBhayibheli.

Cela Jehova kutsi asite labo lobafundzelako kutsi babeketelele bumatima futsi bancobe tilingo. (Flp 1:9, 10) Nawuthantaza kusho ngalokucondzile loko lokufunako. Thantazela umoya longcwele kutsi ucondzise imicabango kanye netento takho. (Luk 11:13) Fundzisa labo lofundza nabo liBhayibheli indlela yekuthantaza futsi ubakhutsate kutsi nabo bente lokufanako. Thantaza nabo futsi ubathantazele ngekutsi ubabite ngemagama.

BUKELA I-VIDEO LETSI TFOLA INJABULO EKWENTENI BAFUNDZI—YEMUKELA LUSITO LOLUVELA KUJEHOVA—UMTHANTAZO, BESE NIPHENDVULA LEMIBUTO LELANDZELAKO:

• Nguyiphi inkinga Neeta lahlangabetene nayo nakafundza naJade?

• Umbhalo wa-1 KubaseKhorinte 3:6 umsite njani Neeta?

• Icatululeke njani lenkinga yaNeeta?