TIMISELE EMSEBENTINI WEKUSHUMAYELA | YANDZISA INJABULO YAKHO EMSEBENTINI WEKUSHUMAYELA
Sita Lofundza Nabo LiBhayibheli Kutsi Bayekele Imikhuba Lemibi
Ngulabo kuphela labatiphatsa kahle labajabulela kuba nebuhlobo lobuhle naJehova. (1Ph 1: 14-16) Nangabe lesifundza nabo liBhayibheli bayekela imikhuba lemibi, tinyenti tinzuzo labangatijabulela emndenini, emphilweni kanye nasetindzabeni tetimali.
Mchazele ngalokucacile mayelana netimiso taJehova tekutiphatsa, tizatfu tekutsi tibe khona kanye netinzuzo tekutilalela. Sita tifundvo takho tishintje indlela leticabanga ngayo, lokutawenta kutsi netento tato tishintje. (Efe 4: 22-24) Bacinisekise kutsi ngekusitwa nguJehova bangakhona kuyekela umkhuba lesebawente sikhatsi lesidze. (Flp 4: 13) Bafundzise kuncenga Jehova ngemthantazo kutsi abasite nangabe balingeka kutsi bone. Basite batibone timo letingabaholela esilingweni kuze batibalekele. Bakhutsate kutsi bente tintfo letitabazuzisa nangabe balingeka kutsi bente imikhuba lemibi. Utawujabula nawubona lofundza nabo liBhayibheli baphumelela ekwenteni lushintjo ngekusitwa nguJehova.
BUKELANI I-VIDEO LETSI SITA LOFUNDZA NABO LIBHAYIBHELI KUTSI BAYEKELE IMIKHUBA LEMIBI, BESE NIPHENDVULA LEMIBUTO LELANDZELAKO:
Labadzala kanye naNeeta bakhombise njani kutsi bayametsemba Jade?
Yini Neeta layenta kuze achubeke asita Jade?
Jade walufuna njani lusito kuJehova?