TIMISELE EMSEBENTINI WEKUSHUMAYELA | YANDZISA INJABULO YAKHO EMSEBENTINI WEKUSHUMAYELA
Sita Lofundza Nabo LiBhayibheli Kutsi Babe Nebuhlobo Lobuhle NaJehova
Jehova ufuna simkhonte ngenca yekutsi siyamtsandza. (Mat 22:37, 38) Nabamtsandza Nkulunkulu labo lesibafundzela liBhayibheli batawukhona kwenta lushintjo loludzingekako baphindze bakwati kumelana netilingo. (1Jh 5:3) Lolutsandvo ngilo lolutabakhutsata kutsi babhajatiswe.
Sita labo lobafundzelako kutsi babone indlela Jehova labatsandza ngayo. Buta imibuto lefana naletsi: “Loku kukufundzisani ngaJehova?” nobe “Loku kukhombisa njani kutsi Jehova uyakutsandza?” Basite bayibone indlela Jehova labasita ngayo ekuphileni kwabo. (2Tk 16:9) Bacocele ngendlela Jehova layiphendvule ngayo imithantazo yakho, futsi ubakhutsate kutsi bayinake indlela Jehova layiphendvula ngayo imithantazo yabo. Sitawujabula kakhulu nasibona kutsi labo lesifundza nabo liBhayibheli bayayibona indlela Jehova labatsandza ngayo, futsi nabo bakhombisa kutsi bayamtsandza nekutsi bafuna kuba bangani bakhe.
BUKELANI I-VIDEO LETSI SITA LOFUNDZA NABO LIBHAYIBHELI KUTSI BABE NEBUHLOBO LOBUHLE NAJEHOVA, BESE NIPHENDVULA LEMIBUTO LELANDZELAKO:
Nguyiphi inkinga Jade lebekabhekene nayo?
Neeta umsite njani Jade?
Jade ukhone njani kuyincoba lenkinga?