Tfola Kuhlakanipha Lokumayelana Nekuphila Ku-JW.ORG

LiVi laNkulunkulu lisiniketa konkhe lesikudzingako kute sikhone kubeketelela tinkinga kulamalanga ekugcina lamatima. (2Tm 3:1, 16, 17) Kodvwa ngaletinye tikhatsi singahle sidzinge lusito kuze sikhone kutfola timiso letiseBhayibhelini lesingatisebentisa esimeni lesitsite. Sibonelo nje, ungumtali lofuna seluleko yini mayelana nekukhulisa bantfwana? Ungulosemusha lobeketelela kuphatfwa kabi ngenca yekukholwa kwakho yini? Ungumuntfu loselusizini yini ngenca yekutsi ushonelwe nguloshade naye? Utawutfola kwatiswa ku-jw.org lokutakukhombisa timiso letiseBhayibhelini letitakusita kuletimo leti nakuletinye letinyenti.​—Tag 2:3-6.

Ekhasini lekucala le-jw.org, chafata incenye letsi TIMFUNDZISO TELIBHAYIBHELI. (Buka sitfombe 1.) Kuloluhla lolutawuvela, khetsa incenye loyifunako. Nobe uchafate incenye letsi LUHLA LWETINTFO LETITFOLAKALAKO > LUCHUNGECHUNGE LWETIHLOKO bese ukhetsa incenye loyifunako. (Buka sitfombe 2.) Ungatfola luhla lolufanako naku-JW Library^®.a Ungakujabulela kuvula letihloko usebentisa noma nguyiphi indlela. Lenye indlela yekutfola sihloko lesitsite losifunako ikusebentisa lencenye letsi funa leku-jw.org.

Bhala letihloko letilandzelako kulencenye letsi funa, bese utibhala phasi tihloko longatsandza kutifundza.

• Kukhulisa bantfwana

• Kucindzeteleka kwalabasha

• Nawushonelwe nguloshade naye