I-Web Site Yetfu Lesemtsetfweni—Yentelwe Tsine Nalabanye

Jesu wasiyala kutsi sishumayele tindzaba letimnandzi ngeMbuso “emhlabeni wonkhe kuze kube bufakazi etiveni tonkhe.” (Mat. 24:14) Kuze sikhone kuwufeza lomsebenti i-watchtower.org, i-jw-media.org ne-jw.org, sekuhlanganisiwe kwaba yi-jw.org Web site lehlelwe kabusha.—2 Thim. 4:5.

“Emhlabeni Wonkhe”: Bantfu labanyenti emhlabeni bayayisebentisa i-Internet. Seyiyindlela lehamba embili yekutfola kwatiswa ikakhulukati kubantfu labasha. I-Web site yetfu iniketa bantfu labasebentisa i-Internet timphendvulo letiliciniso mayelana nemibuto labanayo ngeliBhayibheli. Ibaholela ekwatini inhlangano yaJehova futsi ibentela nebumelula bekutsi bacele sifundvo seliBhayibheli sasekhaya samahhala. Iphindze yente tindzaba letimnandzi kutsi tifike nasetindzaweni lapho kunematfuba lamancane khona ekutsi bantfu beve umlayeto weMbuso.

“Etiveni Tonkhe”: Kuze sifakaze “etiveni tonkhe,” kufanele sendlulisele liciniso leBhayibheli ngetilwimi letehlukehlukene. Bantfu labangena ku-jw.org bangakutfola melula kwatiswa ngetilwimi letingaba ngu-400 kwendlula nome ngabe nguyiphi i-Web site.

Yisebentise: I-jw.org ayikentelwa kufakaza kubantfu labangakholwa kuphela. Yentelwe naboFakazi BaJehova. Nangabe une-Internet sikukhutsata kutsi wetayelane ne-jw.org. Langentasi kunaletinye tetindlela tekuyisebentisa.

[Diagram on page 3]

(For fully formatted text, see publication)

Yetame

1 Bhala www.jw.org ku-Internet “browser” yangcondvomshini wakho.

2 Hlola lokucuketfwe ngule-Web site ngekuchafata tihlokwana letisetulu uphindze uchafata tincenye letingesencele ngephansi kwetihlokwana letisetulu bese uchafata ema-links lapho kudzingidvwa kabanti ngaleyondzaba.

3 Yetama kusebentisa i-jw.org kunome ngumuphi umshini webuchwepheshe lone-Internet. Kwatiswa kuvela ngendlela lefanako ngisho nome usebentisa umshini webuchwepheshe lone-screen lesincane.