Sebentisa I-Website Yetfu Nawushumayela​—“Izimpendulo Zemibuzo YeBhayibheli”

Sihloko lesitsi “Izimfundiso ZeBhayibheli” lesiku-jw.org sinencenye letsi “Izimpendulo Zemibuzo YeBhayibheli.” Nangabe setayelene nalemibuto bantfu labavamise kuyibuta, labo lababutako singakhona kubakhombisa le-Web site yetfu kuze batfole timphendvulo letisemBhalweni. Lemibuto singaphindze siyisebentise kuze sicoce nebantfu ensimini. Singakhetsa umbuto lotsintsa bantfu ensimini yetfu, sicele loyo lesicoca naye avete umbono wakhe, bese simtjela loko liBhayibheli lelikushoko sisebentisa emaphuzu laku-jw.org. Ngemuva kwaloko singabese siyamchazela nobe simkhombise kutsi sikutfole kuphi loko lesimtjela kona. Lenye indlela kungaba kutsi simnike atifundzele yena imphendvulo kule-Web site. Umfati wembonisi lojikeletako utfole imiphumela lemihle ngekusebentisa nankha emavi: “Bantfu labanyenti bayatibuta kutsi, ‘Kufanele kusolwe Nkulunkulu yini ngekuhlupheka kwetfu?’ Ungatsandza yini kutfola imphendvulo ngemizuzwana lengu-51?” Ngemuva kwaloko ubese udlala imphendvulo layitsetse kule-Web site ngentfo yakhe yebucwepheshe lephatfwako. Uphetsa ngekukhombisa loyo muntfu sehluko 11 sencwadzi letsi Lokufundziswa LiBhayibheli.