I-Web Site Yetfu Lesemtsetfweni—Yisebentise Nawushumayela
Khutsata Bantfu Kutsi Bayisebentise: Labanye bantfu labangatsandzi kucoca natsi nobe labangatitsatsi tincwadzi tetfu bayafuna kwati kabanti ngaboFakazi BaJehova ngekungena ku-jw.org nabasemakhaya abo. Ngako-ke, tjela labanye ngayo ngaso sonkhe sikhatsi nakuvela litfuba.
Phendvula Imibuto: Ngaletinye tikhatsi umuntfu lococa naye lotsandza kufundza nobe lonelwati loluncane ngaboFakazi, angabuta umbuto ngaboFakazi BaJehova nobe ngetinkholelo tetfu. Mkhombise imphendvulo ngaso leso sikhatsi usebentisa umshini webuchwepheshe nobe ngcondvomshini. Kuba nemiphumela lemihle kuyifundza eBhayibhelini mbamba imibhalo lekhonjiwe. Nangabe wena ute i-Internet, chazela lococa naye kutsi angayisebentisa njani i-jw.org kuze atitfolele yena timphendvulo.—Chafata incenye letsi “Bible Teachings/Imibuto YeliBhayibheli Iyaphendvulwa” nobe letsi “Mayelana Natsi/Imibuto Bantfu Labavamise Kuyibuta.”
Tfumelela Umuntfu lomatiko Indzaba letsite Nobe Incwadzi: Sebentisa i-e-mail utfumele i-PDF nobe i-EPUB lotitsatsele yona nobe utitsatsele lokutsetjuliwe lokulalelwako ukufake ku-CD. Njalo nawutfumelele umuntfu longakabhajatiswa incwadzi lephelele, incwajana lephelele nobe magazini lophelele lokutsatse ku-jw.org, ungakubhala embikweni wakho wasensimini. Lokwatiswa akukafaneli ukutfumelele umuntfu longamati nobe kutfunyelwe ngebunyenti futsi akukafaneli kufakwe kunome nguyiphi lenye i-Web site ye-Internet.—Chafata incenye letsi “Tincwadzi Letitfolakalako.”
Bakhombise Tindzaba Takamuva NgaboFakazi BaJehova: Loku kutawusita bantfu lesifundza nabo liBhayibheli nalabanye lesicoca nabo babone kutsi umsebenti wekushumayela wentiwa emhlabeni wonkhe nekutsi simunye njengemaKhristu. (Hla. 133:1)—Chafata incenye letsi “News.”
[Diagram on page 5]
(For fully formatted text, see publication)
Yetame
1 Encenyeni letsi “Tincwadzi Letitfolakalako,” tfola lokufunako bese utitsatsela kona ukhetse kutsi ufuna kube yi-PDF, EPUB, MP3 noma yi-AAC.
2 Chafata likinobho lelitsi “MP3” kuze kuvele luhla lwetihloko talokufunako. Chafata sihloko lofuna kutitsatsela sona nobe ▸ kuze ulalele lofuna kusilalela kule-Web site.
3 Khetsa lolunye lulwimi kuloluhla nangabe ufuna kutitsatsela tintfo talolo lulwimi.