KUPHILA KWEMAKHRISTU
Basebenta Kamatima Kuze Basikhutsate
Babonisi betigodzi kanye nebafati babo bawakhombisa lutsandvo lwekutidzela emabandla labawahambelako. Njengatsi sonkhe, nabo banetidzingo futsi ngaletinye tikhatsi bayadzinwa, badvumateke nobe bacindzeteleke. (Jak 5:17) Nanobe kunjalo, evikini ngalinye banaka indlela labangakhutsata ngayo bazalwane nabodzadze labasebandleni labasuke balivakashele. Babonisi betigodzi kufanele ‘batsatfwe njengalabafanelwe ludvumo lolukhulu.’—1Tm 5:17.
Ngesikhatsi umphostoli Pawula ahlela kuvakashela eRoma kuze abanike “sipho lesivela kuNkulunkulu” kulelobandla, bekalangatelela kutfola ‘sikhutsato futsi naye abakhutsate.’ (Rom 1:11, 12) Uke wayicabanga yini indlela longakhutsata ngayo umbonisi wesigodzi nemkakhe nangabe ashadile?
BUKELANI I-VIDEO LETSI KUPHILA KWEMBONISI WESIGODZI, BESE NIPHENDVULA LEMIBUTO LELANDZELAKO:
Babonisi betigodzi kanye nebafati babo balukhombise ngatiphi tindlela lutsandvo lwekutidzela emabandleni?
Imetamo yabo ikuzuzise njani?
Singabakhutsata njani?