KUPHILA KWEMAKHRISTU

Lingisa Jehova Ngekutsi Ukhombise Lutsandvo Lolucotfo

Jehova usibonelo lesihamba embili sekukhombisa lutsandvo lolucotfo. (Hl 103:11) Lolu akusilo lutsandvo lwesikhashana nobe lwekutsatseka. Lutsandvo lolucotfo lufaka ekhatsi kunamatsela ngalokucinile entfweni letsite. Jehova wakhombisa ngetindlela letinyenti kutsi uyabatsandza bantfu bakhe ema-Israyeli. Wabakhulula ekugcilatweni bantfu baseGibhithe futsi wabangenisa Eveni Lesetsembiso. (Hl 105:42-44) Wabalwela bantfu bakhe waphindze wabacolela kanyenti nabamona. (Hl 107:19, 20) “Nasicabangisisa” ngetindlela Jehova lakhombisa ngato lutsandvo lolucotfo, siyakhutsateka kutsi simlingise.—Hl 107:43.

Titfombe: Titfombe letitsetfwe kule video letsi “Cabangisisa Ngetento TaJehova Letikhombisa Lutsandvo Lolungagucugucuki.” 1. Umzalwane Capra nalomunye umzalwane bavakashele lomunye dzadze ekhaya lakhe. 2. Umzalwane Capra, nyalo sosejele nalabanye bazalwane, baniketa umzalwane logulako kudla lolele embhedzeni.

BUKELANI I-VIDEO LETSI “CABANGISISA NGETENTO TAJEHOVA LETIKHOMBISA LUTSANDVO LOLUNGAGUCUGUCUKI,” BESE NIPHENDVULA LEMIBUTO LELANDZELAKO:

Ngutiphi tindlela lesingakhombisa ngato lutsandvo lolucotfo?

Your answer
Kubaluleke ngani kutsi sitidzele kuze sikhombise lutsandvo lolucotfo?

Your answer