Sebentisa Likhasi Lekucala Le-JW.ORG Nawushumayela

Likhasi lekucala le-website yetfu linetihloko nema-video lentelwe kukhanga bantfu labanetinhlitiyo leticotfo labangasibo BoFakazi BaJehova. (Imi 13:48) Livame kukhuluma ngetihloko letisetindzabeni nobe tihloko bantfu labacabanga nalabakhuluma ngato.

Ungalisebentisa njani likhasi lekucala le-jw.org nawushumayela?

• Ngena njalo kule-website. Fundza kwatiswa kwakamuva lokutfolakalako futsi ucabange ngekutsi ungakusebentisa njani kute usite umuntfu lotsandza kufundza. (Kute utfole lokunye kwatiswa kwakamuva lebekufakwe ekhasini lekucala, chafata lakutsi khona “Tfola lokunyenti.”) Kuhlale uyihlola njalo le-website kutakusita kutsi ube netindlela letinsha longatisebentisa nawushumayela.

• Sebentisa tihloko nema-video latfolakala ekhasini lekucala kute ucalise incociswano. Lokwatiswa kusiniketa umcondvo waloko bantfu labakucabangako ensimini.

• Khombisa bantfu likhasi lekucala. Khuluma ngetihloko letitsite, futsi umkhombise kutsi angakutfola njani lokunye kwatiswa kule-website

• Mtfumelele i-link. Labanye bantfu abafuni kucoca natsi, kodvwa bayafuna kungena ku-website yetfu. Ngako ungangabati kutfumelela umuntfu lotsandza kufundza i-link letamyisa ekhasini lekucala, esihlokweni lesitsite nobe ku-video letfolakala kule-website.