Kutfutfukisa Emakhono Etfu Emsebentini Wekushumayela—Indlela Yekutfola Lokufunako Ku-JW.ORG

KUBALULEKE NGANI: Tonkhe tincwadzi letiyincenye Yemathulusi Ekushumayela tikhutsata umuntfu kutsi aye ku-jw.org. Ecinisweni, injongo yelikhadi le-JW.ORG nelipheshana lelitsi Singatitfolaphi Timphendvulo Temibuto Lesikhatsatako Ekuphileni? ikukhombisa bantfu i-website yetfu. Unganiketa bantfu tincwadzi usebentisa i-jw.org ngekubatfumelela tona nge-email noma ngekubatfumelela likheli le-jw.org lapho letincwadzi titfolakala khona. Loku kungasita kakhulu nawucoca nemuntfu lokhuluma lulwimi longalwati. Ngetulu kwaloko, kusengenteka umuntfu akubute umbuto lophendvulwa encwadzini lengesiyo incenye Yemathulusi Ekushumayela. Nasiyati indlela yekutfola kwatiswa lokuku-jw.org, sitawuphumelela kakhulu emsebentini wetfu wekushumayela.

INDLELA YEKUKWENTA:

• 

  Sebentisa incenye letsi “BIBLE TEACHINGS.” Asesitsi ucoca nemtali lofuna kwati indlela yekukhulisa bantfwana kahle. Chafata BIBLE TEACHINGS > MARRIAGE & FAMILY.

• Sebentisa incenye letsi “TINCWADZI LETITFOLAKALAKO.” Asesitsi ufakaza ungakahleli esikolweni futsi ufuna kukhombisa lofundza naye incwajana letsi Timphendvulo Temibuto Lengu 10 Bantfu Labasha Labayibutako. Chafata TINCWADZI LETITFOLAKALAKO > TINCWADZI NETINCWAJANA.

• Sebentisa incenye letsi “MAYELANA NATSI.” Asesitsi ucoca nalosebenta naye lofuna kwati ngetinkholelo tetfu. Chafata MAYELANA NATSI > IMIBUTO BANTFU LABAVAMISE KUYIBUTA MAYELANA NABOFAKAZI BAJEHOVA.

BUKELA I-VIDEO LETSI INDLELA YEKUTFOLA LOKUFUNAKO KU-JW.ORG, BESE UKHETSA INCENYE YE-JW.ORG LONGAYISEBENTISA NAWUFUNA KUSITA:

• umuntfu longakholwa kutsi Nkulunkulu ukhona

• umuntfu lovelelwe simo lesibuhlungu

• umzalwane nobe dzadze lopholile

• umuntfu lobuyela kuye lofuna kwati kutsi tivelaphi timali tekuphumelelisa umsebenti wetfu

• umuntfu wakulelinye live lofuna kuya emihlanganweni nasekabuyele emuva