Indlela Yekudadisha

Khetsa Kutsi Yini Lotayidadisha Kucala

Sonkhe sinesikhatsi lesincane sekutidadishela liBhayibheli. Yini lesingayenta kuze sisisebentise kahle? Kwekucala, tinike sikhatsi. Kunyenti lotakufundza nawucitsa sikhatsi lesinyenti udadisha lokuncane kunekutsi ufundze lokunyenti ugijima.

Ngemuva kwaloko, khetsa kutsi utawucala ngani. (Ef. 5:15, 16) Yetama naku:

• Fundza liBhayibheli onkhe malanga. (Hla. 1:2) Ungacala ngekufundza tehluko teliBhayibheli lokutawube kucocwa ngato emhlanganweni losekhatsi neliviki.

• Lungiselela Sifundvo se-Sicongosekulindza nemhlangano losekhatsi neliviki. Lungiselela timphendvulo.​—Hla. 22:22.

• Yetama kufundza nobe kubukela tintfo takamuva, kungaba bomagazini, ema-video, netihloko letivela ku jw.org.

• Cwaninga ngesihloko lesitsite. Ungacwaninga ngenkinga lonayo, ngembuto lonawo nobe ngendzaba letsite leseBhayibhelini lofuna kuyati kancono. Kuze utfole lokunye longacwaninga ngako, buka incenye leku jw.org letsi “Ukufunda Izindaba ZeBhayibheli,” itfolakala ngesiZulu.