Indlela Yekudadisha

Yini Lesingayenta Kuze Sihambisane Nekucondza Kwakamuva?

Siphila emalangeni lapho kwenteka khona tintfo letinyenti letijabulisako. Jehova uchubeka asembulela tintfo letinyenti ngeliVi lakhe kunasesikhatsini sangaphambili. (Dan. 12:4) Nobe kunjalo, singakutfola kumatima kuhambisana nelushintjo lolwentiwe endleleni lesicondza ngayo liciniso leliseBhayibhelini. Singatitfolaphi letintfo letishintjiwe kanye nendlela letichazwe ngayo?

• Ku-Watch Tower Publications Index buka sihloko lesitsi “Beliefs Clarified,” kulencenye kunato tonkhe tintfo letishintjiwe letihlelwe ngeminyaka. Kuze utfole luhla lwetihloko, bhala kutsi “understanding clarified” (ufake nalama-quotation marks) ebhokisini lelibhalwe kutsi “Bhala Sihloko” ku-Watchtower Library nobe ku-Watchtower ONLINE LIBRARY^™.

• Lithulusi Lekucwaninga LaBofakazi BaJehova lineluhla lolufishane lwetihloko. Buka sihloko lesitsi “BoFakazi BaJehova” bese uya kulesitsi “Imibono Netinkholelo” bese ubuka lesitsi “Kucacisa Tinkholelo Tetfu.”

Nawutidadishela liBhayibheli, ungakhetsa inchazelo yakamuva futsi ucwaninge ngayo, ubuke kutsi ngutiphi tizatfu letiseBhayibhelini letente kwadzingeka lolushintjo.