Atikusite Tikhombo Temibhalo

Tikhombo temibhalo letitfolakala eHumushweni Lemhlaba Lomusha LemiBhalo Lengcwele tikhombisa kutsi liBhayibheli liyavumelana ngekutsi tikuvetele leminye imibhalo lenemininingwane leyengetiwe ngaleyondzaba. Tikhombo temibhalo tibonakala nge-alphabet lencane eceleni kweligama lelitsite. EBhayibhelini lelishicilelwe, buka i-alphabet lesemkhatsini kwelikhasi lefanana nalekulelivesi. Ku jw.org nobe ku-JW Library^®, chafata le-alphabet kuze ubone leminye imibhalo.

Tikhombo temibhalo tingakuyisa kunaku lokulandzelako kanye nakulokunye:

Indzaba Lefanako Lesetincwadzini Letehlukene: Lesikhombo sikuyisa kulenye incwadzi eBhayibhelini lekhuluma ngendzaba lefanako. Sibonelo nje, buka 2 Samuweli 24:1 na-1 Tikhronike 21:1.

Emavi Lacashuniwe: Lesikhombo sikhombisa lapho emavi latsite nobe ligama lelitsite kutsetfwe khona. Sibonelo nje, buka Matewu 4:4 naDutheronomi 8:3.

Kugcwaliseka Kwesiphrofetho: Lesikhombo sikuyisa evesini lapho lesiphrofetho sigcwaliseke khona. Sibonelo nje, buka Matewu 21:5 naZakhariya 9:9.