Jehova Utsandza Bantfu Labahlantekile

“Geza tandla. Hlanta likamelo lakho. Tsanyela phansi. Citsa tibi.” Batali labanyenti bafundzisa bantfwana babo kutsi bahlale bahlantekile. Nobe kunjalo, timiso tekuhlanteka tasungulwa nguNkulunkulu wetfu longcwele. (Eks. 30:18-20; Dut. 23:14; 2 Khor. 7:1) Nasihlala sihlantekile, tsine netintfo tetfu, sidvumisa Jehova. (1 Phet. 1:14-16) Kunjani nje emakhaya etfu kanye nasendzaweni lesihlala kuyo? Ngalokungafani nalabanye bantfu labalahla tibi emigwacweni kanye nasetindzaweni tekuphumula, emaKhristu enta konkhe lokusemandleni awo kutsi agcine umhlaba, lokulikhaya lowo uhlantekile. (Hla. 115:16; Semb. 11:18) Ngisho nasetintfweni letincane, letinjengekulahla emaphepha emaswidi, tikotela tetinatfo, nobe ematjaphisi, kufanele kuvete kutsi sihlantekile. Kuto tonkhe tincenye tekuphila, sifuna ‘kutiveta sitisebenti taNkulunkulu.’—2 Khor. 6:3, 4.

BUKELA I-VIDEO LETSI JEHOVA UTSANDZA BANTFU LABAHLANTEKILE, BESE NIPHENDVULA LEMIBUTO LELANDZELAKO:

• Ngutiphi taba labanye labangatibeka mayelana nekungahlanteki kwetintfo tabo?

• Umtsetfo waMosi bewuyiveta njani indlela Jehova lakutsatsa ngayo kuhlanteka?

• Singabuniketa njani bufakazi ngaJehova sibindzile?