Ungashumayela Uphindze Ufundzise!

Mosi bekangacabangi kutsi utokhona kufeza sabelo lebekaniketwe sona nguJehova. (Eks 4:10, 13) Wake wativa yini ngaleyo ndlela? Ufundza liBhayibheli naBoFakazi BaJehova yini? Utibuta kutsi ingabe utokhona yini kushumayela emtini ngemuti? Nobe kungenteka ungulomusha lowesaba kushumayela esikolweni. Nobe uyesaba kushumayela ngekushaya lucingo nobe kusebentisa letinye tindlela tekushumayela etindzaweni tawonkhe wokhe. Cela Jehova ngemthantazo kutsi akuphe emandla ngemoya wakhe longcwele. (1Ph 4:11) Metsembe kutsi utakusita ngato tonkhe tindlela kutsi ufeze sabelo lakunikete sona.—Eks 4:11, 12.

BUKELA I-VIDEO LETSI BANI NESIBINDZI . . . UMMEMETELI, BESE UPHENDVULA LEMIBUTO LELANDZELAKO:

• Nguyiphi inkinga Dzadze Aoyama labhekana nayo?

• Wawatfola kuphi emandla kanye nesibindzi?—Jer 20:7-9

• Kumzuzise njani kwenta lokwengetiwe emsebenti lawentela Jehova?

• Ngutiphi tinkinga Jehova langakusita kutsi utincobe emsebentini wekushumayela?