IMIBUTO YELIBHAYIBHELI IYAPHENDVULWA
Iplanethi lesiphila kuyo yaba khona ngenjongo yini?
Umhlaba wawudalelwe kutsi ube likhaya lelijabulisako lebantfu
Iplanethi yetfu yentiwe ngendlela lekhetsekile kute siphile kuyo. Inemanti lamanyenti, lesiwadzingako kute siphile. Kutjeka nekujikeleta kwemhlaba kwenteka ngendlela lefanele kute lwandle lungabi nelichwa nome lushise kakhulu luze lubile. Sibhakabhaka natibutse wemhlaba kuvikela umhlaba emisebeni lebulalako. Luhlelo lwekuphila lolunetintfo letidzinganako, titjalo kanye netilwane luyamangalisa. Ngenca yaloko bantfu baphetsa ngekutsi iplanethi yetfu yentelwe injongo lekhetsekile.—Fundza Isaya 45:18.
Kodvwa ungahle utibute kutsi, ‘kuhlupheka nekungalungi kuyincenye yaleyo njongo yini?’—Fundza Dutheronomi 32:4, 5.
Iyoke ifezeke yini injongo yemhlaba?
Umhlaba wawudalelwe kutsi ube likhaya lelijabulisako lebantfu labahloniphanako, nalabatsandza uMdali wabo. Kungako kuphila kwemuntfu kunenjongo lenkhulu kakhulu, kunekwetitjalo noma tilwane. Tsine singacondza kutsi ungubani uMdali wetfu, futsi sijabulele siphindze silingise lutsandvo nekulunga kwakhe.—Fundza Umshumayeli 12:13; Mikha 6:8.
UMdali wetfu angakwenta konkhe lahlose kukwenta. Ngako singaciniseka kutsi uyophindze ente iplanethi yetfu ibe likhaya lelijabulisako.—Fundza Tihlabelelo 37:11, 29; Isaya 55:11.