Litsini Libhayibheli?

Nkulunkulu uyakubangela yini kuhlupheka?

Ungaphendvula utsini?

• Yebo

• Cha

• Mhlawumbe

Lokushiwo liBhayibheli

“Akube khashane naNkulunkulu kuba ngumenti walokubi, kwenta bubi akube khashane naSomandla.” (Jobe 34:10) Nkulunkulu akayuze abangele kuhlupheka kanye nebubi lesibubonako emhlabeni.

Kukhona yini lokunye lokushiwo liBhayibheli ngalendzaba?

• Sathane Develi ‘longumbusi walelive,’ nguye lobangela kuhlupheka.​—Johane 14:30.

• Ngaletinye tikhatsi bubi kanye nekuhlupheka bungumphumela wetincumo letimbi bantfu labatentako.​—Jakobe 1:14, 15.

Kuyoke kuphele yini kuhlupheka?

Labanye bantfu bakholelwa kutsi bangakhona kukucedza kuhlupheka nangabe babambisene, kantsi labanye batsi simo sesibi kakhulu kutsi singashintja sibe ncono. Wena ucabangani?

Lokushiwo liBhayibheli

Nkulunkulu utakucedza kuhlupheka. “Kufa ngeke kusaba khona, nekulila, nekukhala kanye nebuhlu- ngu, ngeke kusaba khona.”​—Sembulo 21:3, 4.

Kukhona yini lokunye liBhayibheli lelikushoko ngalendzaba?

• Nkulunkulu utawusebentisa Jesu kute asuse kuhlupheka lokubangelwe nguSathane.​—1 Johane 3:8.

• Bantfu labalungile batophila ngekuthula kuze kube phakadze emhlabeni.​—Tihlabelelo 37:9-11, 29.