Kuyoke Kuphele Yini Kuhlupheka?
Ungasho yini kutsi . . .
kutawuphela?
angeke kuphele?
mhlawumbe?
LOKO LOKUSHIWO LIBHAYIBHELI
“Nkulunkulu . . . uyakwesula tonkhe tinyembeti emehlweni abo, kufa ngeke kusaba khona, futsi kulila, nekukhala kanye nebuhlungu ngeke kusaba khona.”—Sembulo 21:3, 4.
KUNGAKUSITA NGANI KUKUKHOLELWA LOKU?
Ungaciniseka kutsi Nkulunkulu akatibangeli tinkinga lesinato.—Jakobe 1:13.
Ungadvudvuteka ngekwati kutsi Nkulunkulu uyasivela nasihlupheka.—Zakhariya 2:8.
Ungaba nelitsemba lekutsi konkhe kuhlupheka kutawuphela.—Tihlabelelo 37:9-11.
SINGAKWETSEMBA MBAMBA YINI LOKUSHIWO LIBHAYIBHELI?
Yebo singakwetsemba, nganati tizatfu letimbili:
Nkulunkulu uyakwenyanya kuhlupheka nekungalungi. Cabanga kutsi Nkulunkulu Jehova wativa njani ngetikhatsi tekubhalwa kweliBhayibheli lapho bantfu bakhe baphatfwa kabi. LiBhayibheli litsi weva buhlungu ‘nabacindzetelwa titsa tabo.’—Tikhulu 2:18.
Nkulunkulu utsintseka kakhulu nangabe labanye bantfu babaphatsa kabi labanye. Sibonelo saloku kutsi liBhayibheli litsi uyamenyanya ‘umbulali walote licala.’—Taga 6:16, 17.
Nkulunkulu ukhatsalela umuntfu ngamunye. Akugcini ngekutsi umuntfu ngamunye ‘asati sishayo labhekene naso kanye nebuhlungu lobusenhlitiyweni yakhe,’ kodvwa naJehova uyakubona.—2 Tikhronike 6:29, 30.
NgeMbuso wakhe, Jehova utakucedza masinyane kuhlupheka kwemuntfu ngamunye. (Matewu 6:9, 10) Kwanyalo, ubadvudvuta ngemusa labo labamfuna ngebucotfo.—Imisebenti 17:27; 2 Khorinte 1:3, 4.
LONGACABANGA NGAKO
Yini leyente Nkulunkulu wavumela kuhlupheka?
LiBhayibheli liyawuphendvula lombuto ku-ROMA 5:12 naku-2 PHETRO 3:9.