Ngubani Mbambambamba Lolawula Lelive?

LOKO LOKUSHIWO LIBHAYIBHELI

“Lonkhe live lisemandleni alomubi.”—1 Johane 5:19.

“INdvodzana yaNkulunkulu yabonakaliswa, kuze itobhidlita imisebenti yaSathane.”—1 Johane 3:8.

KUNGAKUSITA NGANI KUKUKHOLELWA LOKU?

Ungatfola tinchazelo letingito tetinkinga temhlaba.—Sembulo 12:12.

Ungaba nelitsemba lekutsi umhlaba wetfu utawuba ncono kakhulu.—1 Johane 2:17.

SINGAKWETSEMBA MBAMBA YINI LOKUSHIWO LIBHAYIBHELI?

Yebo singakwetsemba, nganati tizatfu letintsatfu:

• Kubusa kwaSathane kutawucedvwa. Jehova utimisele kukhulula bantfu ekulawulweni nguSathane. Wetsembisa ‘kumenta lite . . . Develi’ nekulungisa wonkhe umonakalo lawentile.—Hebheru 2:14.

• Nkulunkulu ukhetse Jesu Khristu kutsi abuse lomhlaba. Jesu wehlukile kumbusi walelive lonelunya futsi lonebugovu. Mayelana nekubusa kwaJesu, Nkulunkulu uyasetsembisa: ‘Utamvela lophansi nalohluphekile . . . Utawubakhulula ekucindzetelweni nasebudloveni.’—Tihlabelelo 72:13, 14.

• Nkulunkulu akawacali emanga. LiBhayibheli litsi: “Nkulunkulu angeke acale emanga.” (Hebheru 6:18) Jehova naketsembisa kwenta lokutsite, kuba shengatsi vele sewukwentile. (Isaya 55:10, 11) ‘Umbusi walelive utawucoshwa.’—Johane 12:31.