Sibonelo Setinshumayelo Lesingatisebentisa

Kucalisa Tifundvo TeliBhayibheli NgeMgcibelo Wekucala Ku-January

“Kuletikhatsi letimatima, sonkhe sihlangabetana netinkinga leticindzetela imindeni. Ucabanga kutsi singasitfola kuphi sicondziso lesingasetsemba kute sente imindeni yetfu ijabule?” [Lindzela imphendvulo.] Niketa umnikati welikhaya ikhophi ye-Sicongosekulindza sa-January-March, bese nicoca ngaloko lokucuketfwe ngulesinye setihlokwana letisemakhasini 16-17. Ningafundza lokungenani umbhalo lowodvwa lokhonjiwe. Mshiyele bomagazini, futsi uhlele kubuyela kute nicoce ngalomunye walemibuto lekulamakhasi.

Sicongosekulindza January-March

“Labanye bantfu banemuva wekutsi umbono weliBhayibheli ngekuya ecasini sewuphelelwe sikhatsi futsi ucine ngephandle kwesidzingo. Labanye bayavumelana naloko liBhayibheli lelikushoko. Wena ucabangani? [Lindzela imphendvulo.] Asewunake kutsi lelivesi livetani ngemtfombo wetimiso teliBhayibheli. [Fundza 2 Thimothi 3:16.] Lomagazini uveta indlela liBhayibheli leliphendvula ngayo imibuto lelishumi levame kubutwa mayelana nekuya ecasini. Uphindze uchaze nendlela timiso teliBhayibheli letizuzisa ngayo.”

Phaphama! January

“Kudiza kanye naletinye tento tekungetsembeki sekuvame kakhulu kutemabhizinisi lamuhla. Labanye banemuva wekutsi loku kuyadzingeka kute ibhizinisi iphumelele. Wena ucabangani? [Lindzela imphendvulo.] Naka loko lokushiwo liBhayibheli ngalendzaba. [Fundza Taga 20:17.] Lomagazini uchaza kutsi kungani kwetsembeka kuzuzisa.”