LAEBRARI E INTHANETENG

Joshua 11:22

Phetolelo ea Lefatše le Lecha ea Mangolo a Halalelang
- 22 Ha ho Baanake ba ileng ba sala naheng ea bara ba Iseraele. Ba ile ba sala+ Gaza,+ Gathe+ le Ashdode+ feela.

1 Samuele 5:8

Phetolelo ea Lefatše le Lecha ea Mangolo a Halalelang
- 8 Ka lebaka leo ba romeletsa ’me ba bokella marena ’ohle a selekane a Bafilista ho bona ’me ba re: “Re tla etsa’ng ka areka ea Molimo oa Iseraele?” Qetellong ba re: “Areka ea Molimo oa Iseraele e ke e isoe nģ’a Gathe.”+ Kahoo ba tlisa areka ea Molimo oa Iseraele moo.

1 Samuele 17:4

Phetolelo ea Lefatše le Lecha ea Mangolo a Halalelang
- 4 Mohlabani a qala ho tsoa liahelong tsa Bafilista, lebitso la hae e le Goliathe,+ a tsoa Gathe,+ bophahamo ba hae e le litsoe tse tšeletseng le boahlamo ba seatla.+

1 Samuele 27:2

Phetolelo ea Lefatše le Lecha ea Mangolo a Halalelang
- 2 Kahoo Davida a tloha ’me eena le banna ba makholo a tšeletseng+ ba neng ba e-na le eena ba fetela ho Akishe+ mora oa Maoke, morena oa Gathe.

1 Marena 2:39

Phetolelo ea Lefatše le Lecha ea Mangolo a Halalelang
- 39 Eitse bofelong ba lilemo tse tharo makhoba+ a mabeli a Shimei a balehela ho Akishe+ mora oa Maaka morena oa Gathe;+ batho ba tla ho tla bolella Shimei, ba re: “Bona! Makhoba a hao a Gathe.”

2 Marena 12:17

Phetolelo ea Lefatše le Lecha ea Mangolo a Halalelang
- 17 Joale Hazaele+ morena oa Syria a nyoloha ho ea loantša Gathe le ho e hapa, ka mor’a moo Hazaele a lebisa sefahleho+ sa hae ho futuhela Jerusalema.

Pesaleme 56:sehloohwana-13

Phetolelo ea Lefatše le Lecha ea Mangolo a Halalelang
- Ho motsamaisi malebana le Leeba le Khutsitseng har’a ba hōle. Ea Davida. Miktame. Ha Bafilista ba mo tšoara Gathe.+
  
  56 Mpontše mohau, Molimo, hobane motho ea shoang o nkomantse.+
  A loana letsatsi lohle, o ntse a nkhatella.+
  
  2 Lira tsa ka li ’nile tsa omana letsatsi lohle,+
  Etsoe ho na le ba bangata ba ntoantšang ka ho iphahamisa.+
  
  3 Letsatsing lefe kapa lefe leo ke tšohang ka lona, ke tla tšepa uena.+
  
  4 Ke le bonngoeng le Molimo ke tla rorisa lentsoe la hae.+
  Ke tšepile Molimo; nke ke ka tšoha.+
  Motho a ka nketsa’ng?+
  
  5 Letsatsi lohle ba ntse ba sitisa litaba tsa ka;
  Menahano eohle ea bona e khahlanong le ’na bakeng sa bobe.+
  
  6 Baa hlasela, baa ipata,+
  Ba ntse ba lisa mehato ea ka,+
  Ha ba ntse ba letetse moea oa ka.+
  
  7 U ba lahle ka lebaka la bobe ba bona.+
  Ka bohale u lihe esita le lichaba, Molimo.+
  
  8 U tlalehile ho ba ha ka ’malehi.+
  U tšele meokho ea ka ka lekukeng la hao.+
  Na ha e bukeng ea hao?+
  
  9 Ka nako eo lira tsa ka li tla khutlela morao, letsatsing leo ka lona ke hooang;+
  Sena ke se tseba hantle, hore Molimo o na le ’na.+
  
  10 Ke le bonngoeng le Molimo+ ke tla rorisa lentsoe la hae;
  Ke le bonngoeng le Jehova ke tla rorisa lentsoe la hae.+
  
  11 Ke tšepile Molimo. Nke ke ka tšoha.+
  Motho oa lefatše a ka nketsa’ng?+
  
  12 Molimo, ke entse boitlamo ho uena.+
  Ke tla fana ka lipolelo tsa liteboho ho uena.+
  
  13 Etsoe u lopolotse moea oa ka lefung+—
  Na ha ua lopolla maoto a ka ho khoptjoeng?+—
  E le hore nka tsamaea ka pel’a Molimo leseling la ba phelang.+