-
Pesaleme 18:sehloohwana-50Phetolelo ea Lefatše le Lecha ea Mangolo a Halalelang
-
-
Ho motsamaisi. Ea mohlanka oa Jehova, ea Davida, ea ileng a bua le Jehova mantsoe a pina ena letsatsing leo ka lona Jehova a neng a mo lopolotse liatleng tsa lira tsohle tsa hae le letsohong la Saule.+ Eaba o re:
18 Ke tla ba le boikutlo bo mofuthu bakeng sa hao, Jehova matla a ka.+
2 Jehova ke lefika la ka le qhobosheane ea ka le Mopholosi oa ka.+
Molimo oa ka ke lefika la ka. Ke tla tšabela ho eena,+
Ke thebe ea ka le lenaka la ka la poloko, sebaka sa ka se phahameng sa tšireletso.+
4 Liropo tsa lefu li ile tsa mpota-pota;+
Meroallo e phoroselang ea batho ba se nang molemo le eona ea ’na ea ntšosa.+
6 Mahlomoleng a ka ka ’na ka ipiletsa ho Jehova,
Ka ’na ka hoeletsa ho kōpa thuso ho Molimo oa ka.+
A utloa lentsoe la ka a le tempeleng ea hae,+
Joale mohoo oa ka o kōpang thuso ka pel’a hae oa fihla litsebeng tsa hae.+
7 Lefatše la qala ho sisinyeha ’me la reketla,+
Metheo ea lithaba ea tsukutleha,+
Ea ’na ea hlokoleha kahobane o ne a halefisitsoe.+
8 Mosi oa tsoa linkong tsa hae, ’me mollo o tsoang molomong oa hae oa ’na oa chesa;+
Mashala a ne a tuka ho tsoa ho eena.
11 Joale a etsa lefifi sebaka seo a ipatang ho sona,+
Le mo pota-potile ka hohle joaloka lephephe la hae,
Metsi a lefifi, maru a teteaneng.+
12 Khanyeng e ka pel’a hae ho ne ho e-na le maru a hae a fetang,+
Sefako le mashala a tukang a mollo.+
13 Jehova a qala ho luma a le maholimong,+
Ea Phahameng ka ho Fetisisa a qala ho ntša lentsoe la hae,+
Sefako le mashala a tukang a mollo.
14 A ’na a romela metsu ea hae, e le hore a ka ba hasanya;+
A ntša mahalima, e le hore a ka ba ferekanya.+
15 Likotopo tsa metsi tsa bonahala,+
Le metheo ea naha e behang ea apoha+
Ka lebaka la khalemelo ea hao e matla, Jehova, ka lebaka la pululo ea phefumoloho ea linko tsa hao.+
17 O ne a ntopolla ho sera sa ka se matla,+
Le ho ba ntlhoileng; hobane ba ne ba le matla ho mpheta.+
22 Etsoe liqeto tsohle tsa hae tsa boahloli li ka pel’a ka,+
Nke ke ka tlosa litaelo tsa hae tse hlomamisitsoeng ho ’na.+
24 Jehova a ke a mpuseletse ho ea ka ho loka ha ka,+
Ho ea ka ho hloeka ha matsoho a ka ka pel’a mahlo a hae.+
25 Ho ea tšepahalang u tla etsa ka botšepehi;+
Ho ea se nang molato, ea shahlileng, u tla sebetsa ka mokhoa o se nang molato;+
26 Ho ea ipolokang a hloekile u tla iponahatsa u hloekile;+
Ho ea khopameng u tla iponahatsa u le mano;+
27 Hobane u tla pholosa batho ba hlorileng;+
Empa u tla kokobetsa mahlo a ikhohomosang.+
30 Ha e le Molimo oa ’nete, tsela ea hae e phethahetse;+
Polelo ea Jehova e hloekile.+
Ke thebe ho bohle ba tšabelang ho eena.+
32 Molimo oa ’nete ke Eena ea ntlamang haufi-ufi ka mafolofolo,+
O tla etsa hore tsela ea ka e be e phethahetseng,+
33 A etse hore maoto a ka a be joaloka a likhama tse tšehali,+
O mpoloka ke eme libakeng tse mphahametseng.+
35 U tla mpha thebe ea hao ea poloko,+
Letsoho la hao le letona le tla ntšehetsa,+
Boikokobetso ba hao bo tla etsa hore ke be moholo.+
36 U tla fana ka sebaka se lekaneng bakeng sa mehato ea ka ka tlas’a ka,+
Ka sebele maqaqailana a ka a ke ke a tetema.+
39 U tla ntlama ka mafolofolo bakeng sa ntoa;
U tla etsa hore ba ntsohelang matla ba oele ka tlas’a ka.+
40 Ha e le lira tsa ka, ka sebele u tla mpha likotlo tsa tsona;+
Ha e le ba ntlhoileng haholo, ke tla ba khutsisa.+
42 Ke tla ba tula hore ba thumisehe joaloka lerōle le fefoloang ke moea;+
Ke tla ba tšolla joaloka seretse sa literateng.+
43 U tla mpholosa ho batho ba tšoaeang liphoso.+
U tla mpeha hore ke be hlooho ea lichaba.+
Batho bao ke sa kang ka ba tseba—ba tla ntšebeletsa.+
48 O mpholosa ho lira tsa ka tse halefileng;+
U tla mphahamisetsa ka holim’a ba ntsohelang matla,+
U tla ntopolla ho motho ea mabifi.+
-