• Pesaleme 3:sehloohwana-8
    Phetolelo ea Lefatše le Lecha ea Mangolo a Halalelang

    • Pina ea thoriso ea Davida ha a ne a baleha ka lebaka la mora oa hae Absalome.+

      3 Jehova, ke hobane’ng ha bahanyetsi ba ka ba ngatafetse?+

      Ke hobane’ng ha ba bangata ba ntsohela matla?+

       2 Ba bangata ba re ka moea oa ka:

      “Ha ho poloko e tsoang ho Molimo bakeng sa hae.”+ Selah.

       3 Leha ho le joalo, Jehova, u thebe e mpotolohileng,+

      U khanya+ ea ka le Ea phahamisang hlooho ea ka.+

       4 Ke tla hoeletsa ho Jehova ka lentsoe la ka,

      O tla nkaraba a le thabeng ea hae e halalelang.+ Selah.

       5 Ha e le ’na, ke tla sekama e le hore nka robala;

      Ka sebele ke tla tsoha, etsoe Jehova o ntse a ntšehetsa.+

       6 Nke ke ka tšaba batho ba likete tse leshome

      Ba nketselitseng thekō ka hohle.+

       7 Tsoha,+ Jehova! U mpholose,+ Molimo oa ka!+

      Etsoe u tla lokela ho otla lira tsohle tsa ka mohlahareng.+

      U tla lokela ho roba meno a ba khopo.+

       8 Poloko ke ea Jehova.+

      Tlhohonolofatso ea hao e holim’a batho ba hao.+ Selah.