13 Nyehelo ya hae e ne e le sejana se le seng sa silevera sa boima bo ka etsang khilokramo e le nngwe le halofo,* le sekotlolo se le seng sa silevera sa boima ba dikramo tse 798* ho ya ka tekanyo ya sebaka se halalelang.*+ Ka bobedi di ne di tletse phofo e sitsweng hantle e kopantsweng le oli e le nyehelo ya dijo.*+ 14 A tlisa le kopi e le nngwe* ya kgauta e boima ba dikramo tse 114* e tletseng dibano. 15 Bakeng sa nyehelo ya setjheso a tlisa pohwana e le nngwe, ramo e le nngwe le konyana e le nngwe e tona e nang le selemo.+ 16 Bakeng sa nyehelo ya sebe a tlisa potsanyane e le nngwe.+ 17 Bakeng sa sehlabelo se kopanetsweng,+ a tlisa dipoho tse pedi, diramo tse hlano, diphooko* tse hlano le dikonyana tse hlano tse tona e nngwe le e nngwe e ena le selemo. Ena e ne e le nyehelo ya Nashone mora wa Aminadabe.+