• Pesaleme 14:1-7
    Bibele—Phetolelo ya Lefatshe le Letjha

    • 14 Ya se nang kelello o re ka pelong:

      “Jehova ha a yo.”+

      Ba etsa dintho tse mpe le tse nyonyehang.

      Ha ho na ya etsang dintho tse ntle.+

       2 Empa Jehova o shebile batho a le lehodimong

      Ho bona hore na ho na le ya nang le kutlwisiso kapa ya ntseng a batla Jehova.+

       3 Bohle ba kgelohile.+

      Kaofela ba etsa dintho tse mpe.

      Ha ho na ya etsang dintho tse ntle,

      Ha ho le ya mong.

       4 Ke hobaneng ha batho ba etsang dintho tse mpe ba se na kutlwisiso?

      Ba fedisa setjhaba sa ka ha bonolo jwalo ka ha eka ba ja bohobe.

      Ha ba rapele Jehova.

       5 Empa ba tla tshoha haholo+

      Hobane Jehova o ka lehlakoreng la ba* lokileng.

       6 Lona ba etsang dintho tse mpe, le leka ho sitisa merero ya ya tlasana

      Empa Jehova ke setshabelo sa hae.+

       7 E se eka poloko ya Iseraele e ka tswa Sione.+

      Ha Jehova a kgutlisa batho ba hae botlamuweng,

      Jakobo a ke a thabe, Iseraele a ke a nyakalle.