LAEBRARI E INTHANETENG

Esdrase 1:1, 2

Bibele—Phetolelo ya Lefatshe le Letjha
- 1 Ka selemo sa pele sa Morena Saeruse+ wa Persia, Jehova a susumetsa pelo ya Morena Saeruse wa Persia hore a etse phatlalatso hohle pusong ya hae e le hore mantswe a Jehova a ileng a buuwa ke Jeremia+ a ka phethahala. Morena o ile a ba a ngola phatlalatso eo+ a re:
  
  2 “Morena Saeruse wa Persia o re, ‘Jehova Modimo wa mahodimo o mphile mebuso yohle ya lefatshe+ mme o ntaetse hore ke mo hahele ntlo Jerusalema+ e Juda.

Esaia 40:2

Bibele—Phetolelo ya Lefatshe le Letjha
- 2 Tshedisang* Jerusalema,
  Le mo bolelle hore nako ya mahlomola a hae e fedile,
  Hore molato wa hae o lefuwe.+
  
  Jehova o mo file kotlo e lekaneng hantle* bakeng sa dibe tsohle tsa hae.”+

Daniele 9:2

Bibele—Phetolelo ya Lefatshe le Letjha
- 2 ha ke ntse ke bala dibuka* selemong seo, ke ile ka hlokomela hore Jerusalema+ e ne e tla dula e se na baahi ka dilemo tse 70+ jwalo ka ha Jehova a ne a boleletse moprofeta Jeremia.