Dipesaleme

Pesaleme ya Davida.

138 Ke tla o rorisa ka pelo ya ka yohle.+

Ke o binele dithoriso

Ka pela medimo e meng.*

2 Ke tla inama ke shebile tempeleng ya hao e halalelang.*+

Ke tla rorisa lebitso la hao+

Hobane o lerato ebile o a tshepahala.

O bontshitse hore botumo ba lebitso la hao le ditshepiso tsa hao di kgolo ho feta dintho tsohle.*

3 Ha ke o bitsa, o ile wa nkaraba,+

Wa mpha sebete wa ba wa mmatlafatsa.+

4 Marena ohle a lefatshe a tla o rorisa, Jehova+

Hobane a tla be a utlwile ditshepiso tsa hao.

5 A tla bina ka dintho tseo Jehova a di entseng

Hobane kganya ya Jehova e kgolo haholo.+

6 Le hoja Jehova a phahame, o ela hloko ba ikokobeditseng+

Empa ha a tlwaelane le ba ikgohomosang.+

7 Le haeba ke tsamaya moo ho leng kotsi, o tla mpholosa.+

O tla ntwanela ho dira tsa ka tse halefileng.

O tla mpholosa ka letsoho la hao le letona.

8 Jehova o tla nketsetsa dintho tsohle.

Jehova, lerato la hao ha le fele le ka mohla.+

O se ke wa lahla batho ba hao bao o ba bopileng.+