Dipesaleme

Ho motsamaisi. Pina ya Davida.

20 E se eka Jehova a ka o araba ha o le mahlomoleng.

E se eka lebitso la Modimo wa Jakobo le ka o sireletsa.+

2 E se eka a ka o thusa a le sebakeng se halalelang,+

A o tshehetse a le Sione.+

3 A ke a hopole dinyehelo tsohle tsa hao.

E se eka a ka amohela nyehelo ya hao ya setjheso ka thabo.* (Selah)

4 E se eka a ka o fa dintho tseo o lakatsang ho ba le tsona+

A be a atlehise merero yohle ya hao.

5 Re tla hweletsa re thabile hobane o a re pholosa.+

Re tla phahamisa difolakga tsa rona ho rorisa lebitso la Modimo wa rona.+

E se eka Jehova a ka o etsetsa dintho tsohle tseo o di kopang.

6 Jwale ke a tseba hore Jehova o pholosa motlotsuwa wa hae.+

O mo araba a le mahodimong a hae a halalelang

Ka ho mo pholosa ka letsoho la hae le letona le matla.+

7 Batho ba bang ba tshepile dikariki tsa ntwa, ba bang ba tshepile dipere+

Empa rona re tshepile lebitso la Jehova Modimo wa rona.+

8 Ba putlame ebile ba wele

Empa rona re phahame, re eme re tiile.+

9 Jehova, pholosa morena.+

Re arabe mohla re kopang thuso.+