Dipesaleme
Ho motsamaisi wa Gitithe.* Pesaleme ya Asafe.+
81 Hweletsang le thabile ka pela Modimo wa rona ya re fang matla.+
Hweletsang le thabile mme le rorise Modimo wa Jakobo.
2 Bapalang pina mme le nke moropa o monyenyane,
Harepa e llang ha monate le seletsa se dikgwele.
Ke ile ka utlwa lentswe* leo ke sa le tsebeng le re:
6 “Ke ile ka tlosa morwalo mahetleng a hae.+
Ke ile ka nka baskete* matsohong a hae.
7 O ile wa mpitsa ha o le mahlomoleng mme ka o pholosa.+
Ka o leka metsing a Meriba.*+ (Selah)
8 Mamelang lona batho ba ka mme ke tla le kgalemela.
Wena Iseraele, e se eka o ka mmamela.+
Ahlamisang melomo mme ke tla le fepa le be le kgore.+
11 Empa batho ba ka ha ba a ka ba mamela lentswe la ka.
Iseraele ha a ka a mmamela.+
12 Ke ile ka ba tlohela hore ba be manganga.
Ba ile ba etsa seo ba bonang se nepahetse.+
13 Haeba setjhaba sa ka se ne se ka mmamela+
Haeba Baiseraele ba ne ba ka latela tataiso ya ka,+
14 Ke ne ke tla kokobetsa dira tsa bona kapele,
Ke hlasele bahanyetsi ba bona.+
15 Ba hloileng Jehova ba tla thothomela ka pela hae,
Kahlolo ya bona e tla ba ya ka ho sa feleng.