Esaia

61 Moya wa Jehova Mmusi wa Dintho Tsohle o hodima ka+

Hobane Jehova o nkgethetse* hore ke bolelle ba bonolo+ ditaba tse monate.

O nthometse hore ke tlamise dipelo tsa ba utlwileng bohloko,

Ke phatlalatse tokoloho ho batshwaruwa

Le ho tutubolla mahlo a batshwaruwa,+

 2 Ho phatlalatsa selemo sa Jehova sa mohau*

Le letsatsi la phetetso la Modimo wa rona,+

Ho tshedisa bohle ba utlwileng bohloko,+

 3 Ho hlokomela ba utlwileng bohloko ka lebaka la Sione,

Ho ba fa tuku ho ena le molora,

Ho ba fa oli hore ba thabe ho ena le ho utlwa bohloko,

Ho ba fa seaparo hore ba nthorise ho ena le ho wa moya.

Ba tla bitswa difate tse kgolo tsa ho loka,

Tse lenngweng ke Jehova e le hore di mo tlotlise.*+

 4 Ba tla tsosolosa dibaka tse ripitlilweng kgale,+

Ba tsosolose dithako tsa kgale.

Ba tla haha botjha metse e ripitlilweng,+

Dibaka tse setseng e le dithako ho tloha molokong o mong ho ya ho o mong.+

 5 “Batho bao le sa ba tsebeng ba tla tla ba dise mehlape ya lona,

Baditjhaba+ e tla ba dihwai tsa lona le balemi ba lona ba morara.+

 6 Ha e le lona, le tla bitswa baprista ba Jehova,+

Ba tla le bitsa basebeletsi ba Modimo wa rona.

Le tla ja maruo a ditjhaba,+

Le ithorise ka kganya* ya tsona.

 7 Le tla fumana tlhohonolofatso e imenneng habedi ho ena le ho hlajwa ke dihlong,

Le tla hweletsa ka thabo ka lebaka la kabelo ya lona ho ena le ho tlotloloha.

Ke tla ba fa moputso wa bona ka botshepehi,

Ke etse selekane se sa feleng le bona.+

 9 Bana* ba bona ba tla tsejwa hara ditjhaba+

Le ditloholo tsa bona hara ditjhaba.

Bohle ba ba bonang ba tla ba tseba,

Ba tsebe hore ke bana* bao Jehova a ba hlohonolofaditseng.”+

O nkapesitse seaparo se selelele* sa ho loka

Jwalo ka monyadi ya rwalang tuku e tshwanang le ya moprista+

Le jwalo ka monyaduwa ya ikgabisang ka mekgabiso ya hae.

11 Jwalo ka ha lefatshe le hlahisa mahlomela a lona

Le jwalo ka ha serapa se etsa hore dintho tse jetsweng ho sona di mele,

Jehova Mmusi wa Dintho Tsohle

O tla etsa hore ho loka+ le thoriso di mele+ ka pela ditjhaba tsohle.