Ezekiele

48 Ana ke mabitso a maloko ho tloha qetellong ya lehlakore le ka leboya: Lefa la leloko la Dane+ le tloha Hethlone ho ya Lebo-hamathe*+ le ho ya fihla Hazare-enane. Le boetse le feta karolong e ka leboya ya moedi wa Damaseka pela Hamathe+ hape le tloha karolong e ka botjhabela ho ya karolong e ka bophirimela ya moedi. 2 Lefa la leloko la Ashere+ le moeding wa leloko la Dane, le tloha moeding o ka botjhabela ho ya ho o ka bophirimela. 3 Lefa la leloko la Nefthali+ le moeding wa leloko la Ashere, le tloha moeding o ka botjhabela ho ya ho o ka bophirimela. 4 Lefa la leloko la Manase+ le moeding wa leloko la Nefthali, le tloha moeding o ka botjhabela ho ya ho o ka bophirimela. 5 Lefa la leloko la Efraime le moeding wa leloko la Manase,+ le tloha moeding o ka botjhabela ho ya ho o ka bophirimela. 6 Lefa la leloko la Rubene le moeding wa leloko la Efraime,+ le tloha moeding o ka botjhabela ho ya ho o ka bophirimela. 7 Lefa la leloko la Juda le moeding wa Rubene,+ le tloha moeding o ka botjhabela ho ya ho o ka bophirimela. 8 Ho tloha moeding wa Juda o ka botjhabela ho ya moeding o ka bophirimela, le behelle ka thoko sebaka se bophara ba dikhilomithara tse ka bang 13*+ e le monehelo le bolelele ba sona bo lekane le ba dibaka tsa maloko a mang ho tloha moeding o ka botjhabela ho ya ho o ka bophirimela. Sehalalelo se tla ba bohareng ba sebaka seo.

9 Monehelo oo le tla o behella ka thoko hore le o fe Jehova e tla ba sebaka se bolelele ba dikhilomithara tse ka bang 13* le bophara ba dikhilomithara tse ka bang hlano.* 10 Ona e tla ba monehelo o halalelang wa baprista.+ E be sebaka se bolelele ba dikhilomithara tse ka bang 13* lehlakoreng le ka leboya, e be dikhilomithara tse ka bang hlano* lehlakoreng le ka bophirimela, e be dikhilomithara tse ka bang hlano* lehlakoreng le ka botjhabela le dikhilomithara tse ka bang 13* lehlakoreng le ka borwa. Sehalalelo sa Jehova se tla ba bohareng ba sebaka seo. 11 E be tsa bara ba Tsadoke+ e leng baprista ba halaleditsweng, ba ileng ba ntshebeletsa le ba sa kang ba ntahla ha Baiseraele le Balevi ba ne ba ntahla.+ 12 Ba nke karolo ya naha e beheletsweng ka thoko e le ntho e halalelang ka ho fetisisa. E tla ba haufi le moedi wa leloko la Balevi.

13 Balevi ba fuwe karolo ya naha e haufi le sebaka sa baprista. Karolo eo e tla ba bolelele ba dikhilomithara tse ka bang 13* le bophara ba dikhilomithara tse ka bang hlano.* (Bolelele ba sebaka seo kaofela e tla ba dikhilomithara tse ka bang 13* le bophara ba dikhilomithara tse ka bang hlano.*) 14 Naha ena e ntle e se ke ya rekiswa kapa ya fuwa motho e mong hobane e a halalela ho Jehova.

15 Sebaka se setseng se bophara ba dikhilomithara tse ka bang tharo* se haufi le moedi wa dikhilomithara tse ka bang 13* se tla sebediswa ke batho bohle+ e le makgulo ba be ba hahe matlo ho sona. Motse o tla ba bohareng ba sebaka seo.+ 16 Tsena ke ditekanyo tsa motse: Moedi o ka leboya o bolelele ba dikhilomithara tse ka hodimonyana ho tse pedi,* o ka borwa o bolelele ba dikhilomithara tse ka hodimonyana ho tse pedi,* o ka botjhabela o bolelele ba dikhilomithara tse ka hodimonyana ho tse pedi* le o ka bophirimela o bolelele ba dikhilomithara tse ka hodimonyana ho tse pedi.* 17 Lekgulo la motse le be bolelele ba dimithara tse ka bang 130* karolong e ka leboya, dimithara tse ka bang 130* karolong e ka borwa, dimithara tse ka bang 130* karolong e ka botjhabela le dimithara tse ka bang 130* karolong e ka bophirimela ya motse.

18 Bolelele ba sebaka se setseng bo lekane le ba sebaka se fanweng e le monehelo o halalelang,+ se bolelele ba dikhilomithara tse ka bang hlano* ka botjhabela le dikhilomithara tse ka bang hlano* ka bophirimela. Sebaka seo se lekane le sebaka se fanweng e le monehelo o halalelang mme batho ba sebetsang motseng ba je dihlahiswa tsa sona. 19 Batho ba tswang malokong ohle a Iseraele ba sebetsang motseng ba leme sebakeng seo.+

20 Sebaka sohle se fanweng e le monehelo se lokela ho ba bolelele ba dikhilomithara tse ka bang 13* mahlakoreng ohle a mane. Le se behelle ka thoko e le monehelo o halalelang ha mmoho le sebaka seo motse oo o hahilweng ho sona.

21 Sebaka se setseng mahlakoreng a mabedi a sebaka seo ho fanweng ka sona e le monehelo o halalelang le a sebaka seo motse o hahilweng ho sona e tla ba sa kgosana.+ Se tla ba haufi le meedi e bolelele ba dikhilomithara tse ka bang 13* e ka botjhabela le ka bophirimela ho sebaka seo ho fanweng ka sona e le monehelo. Sebaka seo se tla lekana le dibaka tseo se bapileng le tsona mme e tla ba sa kgosana. Sebaka seo ho fanweng ka sona e le monehelo o halalelang le sehalalelo sa tempele di tla ba bohareng ba sona.

22 Sebaka sa Balevi le sebaka sa motse di tla ba dipakeng tsa sebaka sa kgosana. Sebaka sa kgosana se tla ba dipakeng tsa moedi wa leloko la Juda+ le moedi wa leloko la Benjamine.

23 Malokong a setseng, lefa la Benjamine le tla tloha moeding o ka botjhabela ho ya moeding o ka bophirimela.+ 24 Lefa la leloko la Simeone le moeding wa leloko la Benjamine,+ le tloha moeding o ka botjhabela ho ya ho o ka bophirimela. 25 Lefa la leloko la Isakare+ le moeding wa leloko la Simeone, le tloha moeding o ka botjhabela ho ya ho o ka bophirimela. 26 Lefa la leloko la Zabulone le moeding wa leloko la Isakare,+ le tloha moeding o ka botjhabela ho ya ho o ka bophirimela.+ 27 Lefa la leloko la Gade le moeding wa leloko la Zabulone,+ le tloha moeding o ka botjhabela ho ya ho o ka bophirimela. 28 Moedi o ka borwa o moeding wa Gade o tla tloha Tamare+ o ye metsing a Meribathe-kadeshe,+ o fetele Phuleng*+ le ho ya fihla Lewatleng le Leholo.*

29 Jehova Mmusi wa Dintho Tsohle o re: “Ena ke naha eo le tla e fa maloko a Iseraele+ e le lefa mme tsena e tla ba dibaka tsa ona.”+

30 “Tsena e tla ba dibaka tseo batho ba tswang ka tsona motseng: Lehlakore le ka leboya le tla ba bolelele ba dikhilomithara tse ka hodimonyana ho tse pedi.*+

31 Dikeiti tsa motse di tla bitswa ho ya ka maloko a Iseraele. Dikeiting tse tharo tse ka leboya e nngwe e tla ba ya leloko la Rubene, e nngwe e be ya leloko la Juda mme e nngwe e be ya leloko la Levi.

32 Lehlakore le ka botjhabela le tla ba bolelele ba dikhilomithara tse ka hodimonyana ho tse pedi* mme ho be le dikeiti tse tharo moo. Keiti e nngwe e tla ba ya leloko la Josefa, e nngwe e be ya leloko la Benjamine mme e nngwe e be ya leloko la Dane.

33 Lehlakore le ka borwa le tla ba bolelele ba dikhilomithara tse ka hodimonyana ho tse pedi* mme le be le dikeiti tse tharo moo. Keiti e nngwe e tla ba ya leloko la Simeone, e nngwe e be ya leloko la Isakare mme e nngwe e be ya leloko la Zabulone.

34 Lehlakore le ka bophirimela le tla ba bolelele ba dikhilomithara tse ka hodimonyana ho tse pedi* mme le be le dikeiti tse tharo. Keiti e nngwe e tla ba ya leloko la Gade, e nngwe e be ya leloko la Ashere mme e nngwe e be ya leloko la Nefthali.

35 Sebaka se potolohang motse oo kaofela se tla ba bolelele ba dikhilomithara tse ka bang robong.* Lebitso la motse oo ho tloha letsatsing leo ho ya pele e tla ba Jehova o Teng Moo.”+