25 Bildade+ wa Moshuha a re:
2 “Modimo ke mmusi ebile o na le matla a maholo.
O etsa hore ho be le kgotso lehodimong.
3 Na dihlopha tsa hae tsa masole di na le palo?
Ke bomang bao kganya ya hae e sa ba kgantshetseng?
4 Na motho e ka ba ya lokileng ho Modimo+
Kapa na motho ya tswetsweng ke mosadi a ka hloka molato?+
5 Modimo ha a bone kgwedi e kganya
Le dinaledi ha di a hlweka mahlong a hae.
6 Ho jwalo le ka motho eo e leng tshenyane
Le mora motho eo e leng seboko.”