Dipesaleme

 2 E se eka ba pholositsweng* ke Jehova ba ka tjho jwalo,

Bao a ba pholositseng ho dira tsa bona,+

 3 Bao a ba phuthileng ho tswa ditjhabeng,+

Ho tswa botjhabela le bophirimela,

Ho tswa leboya le borwa.+

 5 Ba ne ba lapile ba bile ba nyorilwe,

Ba se na matla ka lebaka la mokgathala.

 6 Ba ne ba llela ho Jehova ha ba le mathateng+

Ebe o ba lopolla ditsietsing tsa bona.+

 7 A ba tsamaisa tseleng e nepahetseng+

Hore ba fihle motseng oo ba ka dulang ho wona.+

 8 Batho ba ke ba lebohe Jehova+ ka lebaka la lerato* la hae

Le ka lebaka la dintho tse ntle tseo a di etseditseng batho.+

 9 O nyorolotse ba nyorilweng,

A kgorisa ba lapileng ka dijo tse monate.+

10 Ba bang ba ne ba dula lefifing le letsholetsho,

E le batshwaruwa ba mahlomoleng, ba tlanngweng ka ditshepe.

11 Ba ne ba sa mamele lentswe la Modimo,

Ba nyatsa kgalemelo ya Ya Phahameng ka ho Fetisisa.+

13 Ba ile ba kopa thuso ho Jehova ha ba le mathateng,

A ba pholosa ditsietsing tsa bona.

14 A ba ntsha lefifing le letsholetsho,

A kgaola diketane tsa bona.+

15 Batho ba ke ba lebohe Jehova ka lebaka la lerato* la hae+

Le ka lebaka la dintho tse ntle tseo a di etseditseng batho.

16 O robile mamati a koporo,

A kgaola le mekwallo ya tshepe.+

17 E ne e le mawatla yaba ba a sotleha+

Ka lebaka la diphoso le melato ya bona.+

19 Ba ne ba kopa thuso ho Jehova ha ba le mathateng

Mme o ne a ba pholosa ditsietsing tsa bona.

21 Batho ba ke ba lebohe Jehova ka lebaka la lerato la hae

Le ka lebaka la dintho tse ntle tseo a di etseditseng batho.

22 Ba ke ba mo etsetse mahlabelo a diteboho,+

Ba bue ka mesebetsi ya hae ba thabile.

23 Batho ba tsamayang lewatleng ka dikepe,

Ba rekisang metsing a mangata,+

24 Ba bone mesebetsi ya Jehova

Le dintho tse ntle tseo a di bopileng lewatleng.+

25 Ba bone ka moo sefefo se tsohang ka teng ha a laela,+

Se bile se phahamisa maqhubu a lewatle.

26 Maqhubu a lewatle a ba nyollela hodimo

Ebe ba theohela tlase hape botebong ba lewatle.

27 Ba thekesela jwalo ka motho ya tahilweng,

Bokgoni bohle boo ba nang le bona ha bo ba thuse.+

28 Ba llela ho Jehova ha ba le mathateng+

Mme o ba lopolla ditsietsing tsa bona.

29 O kgutsisa sefefo

Ebe maqhubu a lewatle a a thola.+

30 Ha maqhubu ao a thola, ba a thaba

Mme o ba isa sebakeng seo ba se ratang moo ho emang dikepe.

31 Batho ba ke ba lebohe Jehova ka lebaka la lerato la hae

Le ka lebaka la dintho tse ntle tseo a di etseditseng batho.+

32 Ba ke ba mo rorise moo batho ba bokaneng teng,+

Ba ke ba mo rorise hara* baholo.

33 O fetola dinoka mahwatata

Le didiba tsa metsi o di fetola dibaka tse ommeng.+

34 O fetola naha e hlahisang dijalo hore e be naha e sa beheng*+

Ka lebaka la bokgopo ba batho ba dulang moo.

35 O fetola lehwatata hore e be matamo a nang le lehlaka,

Le naha e ommeng o e fetola didiba tsa metsi.+

36 O etsa hore ba lapileng ba dule moo+

E le hore ba ka iketsetsa motse oo ba ka dulang ho wona.+

37 Ba jala masimo mme ba lema dirapa tsa morara+

Tse hlahisang dijalo tse ngata.+

39 Le ha ho le jwalo, ba fokotseha hape ebe ba a tlotlolleha

Ka lebaka la ditlokotsi, ho hatellwa le mesarelo.

40 O etsa hore bahlomphehi ba nyatsuwe

Le hore ba solle dibakeng tse se nang ditsela.+

41 Empa o sireletsa* ba futsanehileng hore ba se ke ba hatellwa+

Mme o eketsa ba malapa a bona hore ba be bangata jwalo ka mohlape.

43 Ya bohlale o tla hlokomela dintho tsena+

A be a nahanisise ka diketso tsa Jehova tse bontshang hore o rata batho.+