Dipesaleme
Pesaleme ya Davida. Maskile.*
32 Ho thaba eo phoso ya hae e tshwaretsweng, eo sebe sa hae se kwahetsweng.*+
2 Ho thaba motho eo Jehova a sa mo nkeng a le molato,+
Eo ka pelong ya hae a sa nahaneng ka ho thetsa.
3 Ha ke thola, ke ne ke kgathala* ka lebaka la bohloko boo ke neng ke bo utlwa letsatsi lohle.+
4 Ka ha ha ke a o kgahlisa, ke ne ke utlwa ke imetswe bosiu le motshehare.+
Matla a ka a ne a fela jwalo ka metsi ha a tjheswa ke motjheso wa lehlabula. (Selah)
5 Qetellong ka o bolella sebe sa ka.
Ha ke a ka ka pata phoso ya ka.+
Ke ile ka re: “Ke tla bolella Jehova diphoso tsa ka.”+
Yaba o tshwarela dibe tsa ka.+ (Selah)
Esita le metsi a morwallo a ke ke a fihla ho bona.
7 O sebaka seo ke ipatang ho sona.
O tla ntshireletsa mahlomoleng.+
Ho tla ba le thabo e kgolo ka mahlakoreng ohle ha o mpholosa.+ (Selah)
8 “Ke tla etsa hore o be le temoho mme ke o rute tsela eo o lokelang ho tsamaya ka yona.+
Ke tla o eletsa ke o behile leihlo.+
9 O se ke wa ba jwalo ka pere kapa mmoulo o se nang kutlwisiso.+
Di lokela ho laolwa ka tomo kapa ka ropo pele di ka atamela ho wena
Hobane di le hlaha.”
10 Matshwenyeho a motho ya kgopo a mangata.
Empa Jehova o sireletsa ya mo tshepang ka lerato* la hae.+
11 Thabang ka lebaka la seo Jehova a se entseng, lona ba lokileng.
Hweletsang le thabile, lona bohle ba dipelo di ntle.